Conciertu Antirrepresivu - Sábadu 12 mayu

Esti sábadu tornamos a la carga con un nuevu conciertu. 

Va ser otra vuelta nel Club Xuvenil de Villa (Riañu - Llangréu), sofitando la causa con 4 euros na entrada pa siguir na llucha antifacista, y teniendo barra con precios populares.

Los grupos qu'esta vuelta van participar nesti conciertu entamáu por nós son los llangreanos Bristol Bulldogs, l'uvieín Ozono, los dos grupos de Grau The New Ones y Brutus, la xente d'Alcotan, los rapazos d'Octopus Garage, y como non la nuesa xente d'I.R.A

Convidamos a tola xente a participar nel conciertu que va entamar dende les 20 hores.

¡SIGUIMOS A ESTI LLAU DE LA TRINCHERA!

Rempuesta anti-militarista

Nes fiestes del Picadillo que finaron va dos selmanes na villa de Noreña, como vien siendo vezu, una banda gaites del acuartelamientu del Cabo Noval fizo de pasucais, faciendo una vuelta más, gala de qu'esti ye suelu conquistáu y colonizáu a base de fueu y metralla.

Dende Nora Antifa quiximos reflexar el nuesu calter antimilitarista y anticolonialista, a la escontra del "poder" qu'esti acuartelamientu quier meter na zona del Nora. Poro, punximos una pancarta col llema "MILITARES NON, COLÁI D'ASTURIES. NORA ANTIFA." delantre del Ayuntamientu Noreña previu al pasu de los propios militares.

¡ESTI PUEBLU YE DE NUESO! ¡NIN FACISTES, NIN COLONIZADORES!

Conciertu Antirrepresivu n'Uviéu

Esti sábadu magar les 20 hores va desendolcase'l conciertu antirrepresivu, pa recaldar perres en favor de multes y dellos xuicios a compañerxs antifacistxs nos caberos meses.

Nel conciertu van participar PENADAS POR LA LEY, faciendo punk dende Arxentina y Euskal Herria; RAT-ZINGER, tamién dende Euskal Herria, y la nuesa xente d' I.R.A faciendo'l so HxC comprometíu.

L'1 de mayu, tuvimos na cai. En llucha pola clas trabayadora.

Hailos que salen a la cai y dicen qu'esto nun se pue soportar, que ye'l momentu glayar. Nun se dieron cuenta de que'l momentu nun ye agora (que tamién), sinon que lleva bien de tiempu siéndolo. Poro dende Nora Antifa llevamos bien de tiempu puxando pola clas trabayadora, seya 1 de mayu o 29 febreru.

¡CLAS TRABAYADORA, ÍRGUITE!