Selmana de llucha

*Testu de Glayíu

Del llunes 10 al vienres 14 d'avientu los sindicatos CSI, CNT-Xixón, CGT y Suatea, xunto los coleutivos sociales Alambique, Sestaferia, Cambalache y La Semiente entamen estremaes aiciones que vindiquen los drechos sociales básicos y denuncien la creciente represión estatal. L'oxetivu ye informar a la ciudadanía de los xuicios qu'enfrenten 15 trabayadores por participar nes dos caberes fuelgues xenerales.

A cuenta les dos caberes xornaes de fuelga xeneral, el 29 de marzu y el 14 de payares, hai 15 militantes de la Corriente Sindical d’Izquierda y de la Confederación Nacional del Trabajo imputaos. Cola fin de preparar la defensa de los trabayadores encausaos y recabar solidaridá p'algamar la so absolución, estremaes organizaciones sindicales y sociales d'Asturies convoquen una Selmana de Llucha qu'entama el llunes 10 d'avientu. En palabres de los convocantes: "Darréu ye'l momentu de solidarizanos con estes persones y demostrar que les nueses meyores armes son la llucha y la solidaridá".

Esti ye'l calandariu de movilizaciones de la Selmana de Llucha:

• Llunes 10 y martes 11 d'avientu: repartu de pasquinos en Xixón. Quedamos nos llocales de CSI-Xixón magar les 18:30.

• Martes 11 d'avientu: rueda de prensa de la “Plataforma contra la represión y poles llibertaes”. 12:30 h. Pza. del Ayuntamiento de Xixón.

• Miércoles 12 d'avientu: “Pasucais contra la represión”. Casa Sindical de Xixón. 19:00 h.

• Xueves 13 y vienres 14 d'avientu: concentraciones de sofitu a los imputaos nes fuelgues xenerales del 14 de payares y del 29 de marzu. Xulgaos de Poniente de Xixón. 09:00 h.