NORA ANTIFA: L'alcalde Noreña nun lleva la propuesta de declaración institucional pal Día Internacional del Orguyu LGBTI a la Comisión

L'alcalde de Noreña nun incluyó la propuesta entamada por Conceyu Abiertu por Noreña.

Según señalen dende la formación noreñense, "pese a nun haber dengún puntu nel Orde del Día y d’haber presentao Conceyu Abiertu va más d'un mes una propuesta de declaración institucional a favor de los derechos de les persones del coleutivu LGBTI, l'Alcalde nun incluyó la propuesta nel orde del día pa que pudiera ser debatío ente tolos grupos municipales. Preguntau pola ausencia de la propuesta, l'alcalde respondió que nun la incluyó “porque nun lo consideró oportuno”, y respeuto a si pensaba metela nel prósimu plenu dixo que “nun ta tovía fechu l’orde del día, y nun lo se”".

Poro, consideren "una falta de respetu, la continua actitú del alcalde non incluyendo ninguna propuesta de la oposición en los Ordenes del Día, más cuando se convoca una Comisión sin ningún puntu a tratar, pese a la existencia de propuestes. Nesti casu, parezmos tovía más ofensiva esta desidia, siendo que se pretende tratar un tema de muncha importancia en cuanto a que trata de promover y defender derechos civiles básicos como son la igualdá, la tolerancia y el respetu a la diferencia, ente otros".