CONVOCA: COMITÉ ASTURIANU ESCONTRA’L BLOQUÉU Y DE SOLIDARIDÁ CON CUBA.
La Corriente Sindical d’Izquierda fai un llamamientu públicu a los y les trabayadores asturianes, a participar na manifestación de sofitu a la Revolución Cubana, convocada pol Comité Asturianu escontra'l Bloquéu y de Solidaridá con Cuba, que va tener llugar el próximu vienres 26 de xunetu, a les 19:30 h. na Plaza L’Humedal de Xixón.
Dende la CSI esiximos, de primeres, el fin del criminal bloquéu económicu impuestu a Cuba, qu'intenta esgañar la so economía y tórga-y, per vía de fechu, la normalización de les sos relaciones económiques y polítiques col restu países del mundu.
Esiximos, tamién, la lliberación y repatriación a Cuba darréu, de los 5 antiterroristes cubanos, encarcelaos y represaliaos brutalmente por pescudar, asoleyar y torgar la realización d'actos terroristes en suelu cubanu, per parte d'organizaciones con see n'EE.XX.
Pa finar, na CSI camentamos qu'el nuesu sofitu a la Revolución Cubana ye, tamién, una denuncia de les condiciones de fame y miseria que'l capitalismu pretende imponer a la clase obrera y cuyes fatales consecuencies entamen a vivise yá nel Estáu español.Ver más
No hay comentarios:
Publicar un comentario