Derechos vitales como l'alimentación, la sanidá, la vivienda, el trabayu, la educación o los servicios sociales, tan desapaeciendo peles alcantarielles de la banca, l’avaricia empresarial, l’espilfarru y la corrupción.
Na nuestra Hestoria, hubo quien s’echó al monte pa defender la llibertá y los derechos de la clase obrera. Pagáronlo cola so vida y, por eso, vamos facer un homenaxe a Los Fugaos y los ideales polos que llucharon.
Tamién vamos falar de la última güelga minera, porque enseñonos a ponenos de pies. Pero tamién aprendimos que ningún sector va a salir alantre por sí solu. O lluchamos toes y toos en comuña o toes y toos vamos a arder na mesma foguera.
El capitalismu vien a por too. La so ofensiva ye total y, por ello, la respuesta de la clase obrera tamién tien que ser total. Nesi enfrentamientu, ye prioritaria la solidaridá pa con toles persones represaliaes pola so participación nes lluches d’estos últimos años.
Agora, tenemos qu’atopar la nuesa propia forma d'organizanos, d’uninos y de construir el futuru. La resistencia, la movilización y la solidaridá son armes antigües, pero ensin elles va facésenos imposible ponenos de pies.
ACTOS:
12:00H - Homenaxe a la llucha minera, nel Monumentu Mineru (Santuyanu/San Julián)
12:00H - Homenaxe a la llucha minera, nel Monumentu Mineru (Santuyanu/San Julián)
13:00H - Homenaxe a Los Fugaos (Fayacaba, Peñamayor)
15:00H - Xintar nel Monte (Xerru Gües, Peñamayor)
21:00H - Conciertu nel Polideportivu les Escueles de Martimporra.
Entraes: 5€ anticipada / 7€ nel día. Prau p`acampar.
- ARMA X (Rap combativu, Asturies)
- LA TARRANCHA (Mezigayu Ska, Asturies)
- LOS BONITOS DEL NORTE (Fusión-ska-rock-pachanga, Cantabria)
- DANI ANTISTAILO (Pinchando rico, Asturies)
+ Folixeros post conciert.
ENTRAES ANTICIPAES (5 €) EN BIMENES: BAR VIGIL, XIXÓN: SIDRERÍA CANTELI, CAFÉ TRISQUEL, SESTAFERIA CENTRU SOCIAL Y LLOCAL DE LA CSI, AVILÉS: EL CAFETÓN, L’ENTREGU: CHIGRE OCHOBRE, MIERES: EL ÑERU, LA POLA (SIERO): TABERNA EL CUÉVANO.
No hay comentarios:
Publicar un comentario