El pasáu 22 de marzu, cientos de miles de persones manifestáronse peles cais de Madrid pidiendo Dignidá. Enantes de que finara dicha manifestación, como nun podía ser d’otramiente, la UIP entamó col so avezáu tratu a tolxs manifestantes: porrazos, emburriones, disparos con pelotes de goma, gases llacrimóxenos, etc, escontra tou’l que topaben delantre, tresformando una manifestación nuna batalla campal.
Delles persones fueron deteníes y dempués torturaes nos calabozos demientres dos díes, fasta que declararen nos xulgaos de Plaza Castilla.
La policía de la man de los nomaos medios de comunicación, siguiendo col so tratamientu d’idiotes pa col restu la humanidá intenten acusar a los manifestantes con armes que yá taben nel poder la policía va cuantayá, como la navaya dientro d’una muleta, o una riñonera con boles d’aceru.
Con too ello, dende Nora Antifa pidimos que’l rexime estatal retire tolos cargos de los y les deteníes y que ponga en llibertá al compañeru Miguel, que ta en prisión ensin fianza.
¡La dignidá si ye un arma! ¡Stop montaxes policiales!
¡Puxa la xente que llucha! ¡Puxa la mocedá antifacista!
No hay comentarios:
Publicar un comentario