HIGINIO CARROCERA EL HÈROE DEL MAZUCU

iginio Carrocera Mortera (BARROS  ( LLANGREU) xineru de 1908 - UVIÉU, 8 de mayu de 1938) foi un históricu anarcosindicalista  con destacada actuación na Revolución asturiana de 1934 y nel desenvolvimientu de la Guerra Civil n'Asturies.
Participó viviegamente na Revolución de 1934, na que dirixió una columna que, dende La Felguera, llegó a Uviéu'l 6 d'ochobre.
Tres la derrota de la Revolución pudo escapar, pero foi deteníu en Zaragoza'l 7 d'agostu de 1935 al pie de Constantino Antuña Güerta y lleváu a la cárcel d'Uviéu. Conocida la victoria del Frente Popular nes elecciones de febreru de 1936, participó nel motín de presos que consiguió la llibertá d'estos el 20 de febreru, un día antes de promulgase l'amnistía.
Al empezar la Guerra Civil, el 17 de xunetu, participó en tomar del cuartel de la Guardia Civil  de La Felguera y dempués coló al mandu de 400 anarcosindicalistas escontra Xixón, onde tuvo un papel destacáu nes acciones que dexaron tomar del cuartel del Simancas y el d'El Cotu. Foi mancáu en septiembre de 1936 en Villafría, na llucha contra les columnes gallegues. Confirmáu como Mayor de milicies, foi unu de los más sobresalientes mandos de la Milicia confederal.
Recibió la Medaya de la Llibertá pola so heroica actuación y la de la so brigada (192 Brigada Móvil del Exércitu Popular Asturianu) na dura Batalla d'El Mazuco de setiembre de 1937, na que pudo detener dellos díes la meyora de les Brigaes Navarres. Mancáu nestos combates, nun tardó n'incorporase de nuevu al frente.
Caída Asturies en manos del exercito franquista, foi deteníu y lleváu a un campu de concentración en galiza. Al ser reconocíu foi conducíu de nuevu a Asturies onde ingresó'l 3 de xineru na cárcel d'Uviéu. Al mes siguiente, el 21 de febreru, compareció ante un conseyu de guerra que la condergo a muerte, siendo fusiláu'l 8 de mayu de 1938.