El día 9 de xunetu, dende diversos colectivos antirracistes, vamos llevar a cabu en Xixón una serie d'actividaes empobinaes a sofitar a persónes refuxaes en Grecia. Una de les mayores necesidaes de la xente refuxao ye la desasistencia que sufren nos campamentos nos qu'asperen una ayuda que namái llega de la xente trabayadora movida a los asentamientos; queremos collaborar económicamente con ellos pa que puedan cubrir -yos necesidaes básiques de los desplazaos pol conflictu en Siria o Iraq.
a les 12:00 nel teatru Xovellanos va tener llugar una concentración de repulsa a -les polítiques europees que dan el llombu y limitense a mandar a Turquía a la xente refuxao como si de basoria tratárase. Dempués un pasucais que va finar nel campu fútbol de la Cruz, en Ciares, onde vamos xugar un tornéu de fútbol 7 mixtu nel que podrá participase sofitando con 5 euros por equipu. Tamién va haber exhibiciones de deportes de contactu per parte del Ximnasiu Popular Ochobre y deportes tradicionales asturianos.
Mientres les actividaes va haber xinta popular pal que quiera apurrir la voluntá. Va haber un puestu de material solidariu.
Tolos beneficios tarán destináivos a los voluntarios desplazaos en Grecia que van gastase en productos de primera necesidá.
Animamos a la xente del llar a participar nesta xornada y sobremanera a sofitar la concentraciòn
No hay comentarios:
Publicar un comentario