Sábadu 24 de marzu. Xornaes Antifacistes n'Uviéu.

Güei, sábadu va llevase a cabu nel centru social ocupáu y autoxestionáu La Madreña d'Uviéu unes xornaes antifacistes que van cuntar de magar les 17 hores col alcuentru de colectivos antifacistes del estáu (enonde tará presente Nora Antifa), y magar les 18 hores entamará'l conciertu de los grupos:

Octopus Garage (Punk rock Llugones - Presentando'l so primer discu "Planeta revienta")

Karne Cruda (Punk Cantabria - Presentando'l so discu "Días como navajas")

Electrokutazión (Psycho Punk La Pola Siero)

Rekolekta pa una birra (HxC Punk Valencià)

El Trono de Judas (Punk Rock Nafarroa)

Expropiazión (Punk Asturies)

La entrada al conciertu val 5 euros.

Gracies a la xente que tuvo nel conciertu Villa

Dende Nora Antifa queremos da-y les gracies a tola xente que tuvo esti pasáu fin de selmana nel conciertu presentación del discu "Enemigos" d'IRA.

Dende tolxs asistentes, fasta por supuestu los grupos, que mos ufrieron un bon espectáculu (Acid Mess, Zigua, Adizión Etílika y Rojo Dos), y como non, a tola xente que fae posible qu'esti tipu d'eventos sigan p'alantre.

MILENTA GRACIES, PERO NUN ESCAECER QUE LA LLUCHA CONTINUA.

PD. Podéis algamar el discu d'IRA poniéndovos en contactu con nós.

Conciertu-presentación del primer discu d'I.R.A.

Dende Nora Antifa entamase un nuevu conciertu n'Asturies, nel Club Xuvenil de Villa-Riañu (Llangréu), el prósimu sábadu 18 de febreru.

Esti conciertu va servir pa presentar el primer discu del grupu de Hardcore I.R.A., entituláu "Enemigos".

El conciertu que va entamar de magar les 20.30 hores va cuntar cola participación de los asturianos Adizión Etilika y Acid Mess, y de los vigueses Rojo Dos, amás de la mentada actuación d'I.R.A.

Pa continuar coles actividaes na entrada sofitarase'l actu con 5 euros -por 8 euros amás de la entrada llevaisvos el discu d'IRA-.

¡AMA LA MÚSICA, ODIA'L FACISMU!

Aplazáu'l Conciertu Antifacista del 28 de payares

SINTÍMOSLO pero por delles causes ayenes a la organización del eventu, el Conciertu Antifacista que teníemos programáu nel Clú Xuvenil de Villa (Riañu-Llangréu) esti sábadu va tener qu'aplazase. Prosimamente afitaráse'l nueu día nel que se desendolcará esta actividá nel mentáu Clú Xuvenil. Perdonái les molesties.

CONCIERTU PAYARES ANTIFACISTA

Esti sábadu 28 de payares a partir de les 19:00 hores nel clú Xuvenil de Villa (Riañu, Llangréu) NORA ANTIFA entama xunta'l coleutivu "Fíos del 34" el CONCIERTU PAYARES ANTIFACISTA (ofensiva 09) colos grupos: BRUTUS, ADIZIÓN ETÍLIKA, BRIGADA y DENTELLADA.

La folixa antifacista, de xermandía ente antifacistes de les cuenques del Nalón y del Nora y del restu d'Asturies(y del mundu), zarrarala DJ AK-47 y ta dedicada a tola xente que lluchó, que llucha y lluchará pa elliminar el facismu/capitalismu de les nueses cais.

Too ello faise col sofitu de "Llangréu Suena" y "Darréu" y la collaboración de La Picota, el H2 y Matteria.