Payares Antifacista

Payares ye un mes en forma reconocíu nel Estáu español pol calter que'l facismu sigue homenaxeando a los franquistes, poro Nora Antifa nun escuende'l so parecer:

Poro, entamamos otra vuelta más el Conciertu "Payares Antifacista", enonde esti añu van acompañanos:

· Brutus Daughters (Punk folk dende Madrid)

· Adizion Etilika (Punk HxC dende La Pola L.lena)

· I.R.A (HxC dende Llangréu)

· Doris & Dani Anti-Stylo (Hip hop)

· NARK (Rap dende Noreña)

· Odio Visceral (Anarco Punk dende Xixón)

Esti conciertu entama esti vienres 23 de payares na Sala sweet 01 de Xixón. La entrada al eventu tien un valir de 5 euros, que dirá como ye vezu a les lluches antifacistes.

Col cuentu'l 20P, sacamos un breve comunicáu:

Dende Nora Antifa queremos amosar la nuesa fondera refuga a toles estructures del poder facista español que dende l'añu 37, y mediante les armes, cola caída del Conseyu Soberanu d'Asturies y Lleón, impónense nel nuesu país embaxu la forma de Dictadura o de democracia burguesa.

Ye precisamente la fecha del 20P una de les mas señalaes, ya que la muerte del dictador Francisco Franco, nun supunxo, comu munches persones creyen o quieren facenos creyer, el fin del facismu ya el totalitarismu, sinón que solo supunxo la so tresformacion embaxu formes mas amables pero que a la fin nun valieron namai que pa caltener los privilexos de les mesmes clases dominantes penriba del pueblu trabayaor.

Ye nos caberos tiempos, cola crisis capitalista, cuando les mas de les personas tan pescanciando la realidá de la Democracia na que l'estáu español nos tien encarcelaos, col Rei a la tiesta.

Ye por ello que dende la nuesa organización queremos llamavos a facer de la llucha diaria, la solidarida y l'internacionalismu'l camin que nos lleve a la lliberacion del Pueblu Trabayaor Asturianu y la del restu de naciones primes del mundu.

Pa finar, y como tamién vien siendo vezu na nuesa organización, pintaes y pancartes recuerden pela nuesa redolada, qu'equí nun son bienllegaos los facistes.

Salú, llucha y tol añu antifacista.