NORA ANTIFA: Alfon llibertá. Non más montaxes policiales.

Na cabera fuelga xeneral en tol estáu, y gran parte del sur d'Europa, fueron delles les persones deteníes pol fechu de participar en piquetes llegales, y participar en manifestaciones pol futuru de la clas trabayadora, pol futuru de toxs.

Sin dir más lloñe, compañeros de nueso fueron prindaos en Xixón, pero gracies a la rempuesta del pueblu y a la presió nexercida na mesma comisaria de Natahoyo metanes más de 4 hores, los 4 deteníos fueron puestos llibertá. Por embargu, non tolos deteníxs cuntaron cola mesma "suerte".

Güei mesmo, Alfonso, un mozu de 21 años del barriu obreru de Vallecas sigue presu dende'l 14P, pol fechu de dirixise a un piquete informativu de la fuelga (nun tando nin siquiera n'él entá). Ta presu pola presunta "tenencia d'esplosivos" -nun hai que ser nengún espertu pa conocer lo qu'ellos nomen esplosivos-. Metanes que'l restu de deteníxs fueron puestxs en llibertá, Alfon sigui presu baxo'l réxime de FIES (Ficheru d'Internos d'Especial Siguimientu). La decisión de caltener presu al mozu vallecanu ye direutamente de la Delegación dle gobiernu español.

Tamos con ello ante otru montaxe policial, enonde la mocedá combativa sigui siendo'l puntu de mira.

Poro, dende Nora Antifa, queremos sofitar toles lluches antifacistes del mundu, y n'esti casu n'especial la del compañeru Alfon, y tola xente sobremanera del barriu de Vallecas y del grupu Bukaneros, qu'una vuelta siguien siendo'l puntu de mira de la delegación del gobiernu madrileña, y pa toxs nós siguin siendo un exemplu de llucha.

Dende Asturies, la Cuenca'l Nora,

¡PUXA LA XENTE QUE LLUCHA!
¡PUXA LA LLUCHA ANTIFACISTA!
¡LLIBERTÁ P'ALFON DARRÉU!